Президент Солтүстік Қазақстан облысының орталығында жаңадан бой көтерген Қазақ сазды-драма театрының ғимаратын аралап көрді. Президент «Мағжан» пьесасынан үзінді тамашалады, деп хабарлайды Qazaqstan Media тілшісі Ақордаға сілтеме жасап.
Осы шығармашылық ұжымда көп жылдан бері еңбек етіп келе жатқан театр директоры Біржан Жалғасбаев өнер ордасының ұжымы бертінге дейін «Энергетиктер сарайын» паналағанын, осы жылдар ішінде түрлі жанрда қойылымдар сахналап, халықаралық, республикалық байқауларда жүлде алғанын жеткізді. Оның айтуынша, жаңа ғимаратқа көшкен ұжым репертуарын жаңартуға, шетелдік және отандық өнер ұжымдарымен шығармашылық байланыс орнатуға мүмкіндік алды.
Тағы оқыңыз:Қасым-Жомарт Тоқаев М.Қозыбаев атындағы Солтүстік Қазақстан университетіне барды
