Халықаралық балаларды қорғау күніне орай Уәлиханов ауданында балалар арасында шағын футболдан турнирі өтті. Жарыс аудан прокурорының кубогы үшін ұйымдастырылды. Іс-шара «Заң мен Тәртіп» қағидаты аясында өтті.деп жазады Qazaqstan Media.
Турнирдің негізгі мақсаты — жас ұрпақтың заңға деген құрметін қалыптастыру. Балалар мен жасөспірімдерді салауатты өмір салтына баулу. Сондай-ақ жастардың бос уақытын тиімді әрі мазмұнды ұйымдастыру.
Жарысқа ауданның білім беру ұйымдарының командалары қатысты. Бірнеше күнге созылған турнир барысында жас спортшылар командалық рухты көрсетті. Жеңіске деген жігерін, спорттық шеберлігін және жоғары нәтижеге ұмтылысын көрсетті. Әрбір ойын тартысты әрі достық атмосферада өтіп, футбол алаңында басты жүлде үшін нағыз бәсеке өрбіді.
Турнирдің ашылу салтанатында Уәлиханов ауданының прокуроры Еркеш Оспанов қатысты. Ол балалар спортын дамыту мен жастарды заңдылық, жауапкершілік және өзара құрмет қағидаттары негізінде тәрбиелеудің маңыздылығын атап өтті.
«Біздің міндетіміз — балалардың жан-жақты дамуына, жетістікке жетуіне және өз әлеуетін жүзеге асыруына жағдай жасау. Спорт тәртіпке, қарсыласты құрметтеуге, командада жұмыс істеуге және алға қойған мақсатқа жетуге үйретеді. Дәл осындай қасиеттер еліміздің лайықты азаматтарын қалыптастырады. “Заң мен Тәртіп” тұжырымдамасы жастар тәрбиесінен, дұрыс өмірлік бағдар беруден және салауатты өмір салтына ұмтылыстан басталады. Бүгінгі турнир балалар үшін тек спорттық жарыс қана емес, достық пен бірліктің мерекесіне айналады деп сенемін», — деді Еркеш Оспанов.
Турнир барысында кәмелетке толмағандар арасындағы құқықбұзушылықтың алдын алу мәселелеріне де ерекше назар аударылды. Ұйымдастырушылардың айтуынша, спорт балаларды дұрыс жолға бағыттайды, олардың денсаулығын нығайтады және бос уақытын тиімді өткізуге көмектеседі.
Бүгінде «Заң мен Тәртіп» тұжырымдамасын жүзеге асыру тек құқықбұзушылықтың алдын алу мен қоғамдық қауіпсіздікті қамтамасыз етумен шектелмейді. Сонымен қатар өскелең ұрпақтың жан-жақты дамуына жағдай жасауға бағытталған. Спорт, білім, мәдениет және қоғамдық белсенділік арқылы кейін заңға бағынатын мінез-құлық пен қоғам алдындағы жауапкершіліктің негізіне айналатын құндылықтар қалыптасады.
Жарыс қорытындысы бойынша жеңімпаздар мен жүлдегерлер кубоктармен, медальдармен, дипломдармен және естелік сыйлықтармен марапатталды. Алайда турнирдің басты нәтижесі — қатысушылардың көтеріңкі көңіл-күйі. Жаңа спорттық жетістіктері және ауданның түрлі елді мекендеріндегі оқушылар арасындағы достық байланыстың нығаюы болды.
Осындай шараларды өткізу салауатты өмір салтын, заңға құрметті және жасампаздыққа ұмтылысты таңдаған ұрпақты тәрбиелеуге ықпал етеді. Балалар спортын қолдау қоғамдық келісімді нығайтуға, құқықбұзушылықтың алдын алуға септеседі. Әр азамат үшін қауіпсіз орта қалыптастыруға бағытталған мемлекеттік саясаттың маңызды бағыты болып қала береді.
Тағы оқыңыз: СҚО-да алдағы күндері ауа райы құбылмалы болады
