Солтүстік Қазақстан облысының бес бірдей ауданында сайлау өтіп жатыр. Жеті ауылдық округтің халқы өз әкімдеріне дауыс беріп, таңдау жасауда, деп хабарлайды Qazaqstan Media тілшісі.
Бүгін Қызылжар ауданының Якорь және Рощинск ауылдық округтері, Ғабит Мүсірепов атындағы ауданда Бірлік және Чистопол ауылдық округтерінің әкімі сайлануда. Сонымен қатар Мамлют, Уәлиханов пен Мағжан Жұмабаев аудандарда да сайлау науқаны өтіп жатыр. Жалпы сегіз мыңға жуық адам өз таңдауын жасамақ. Бес ауданда жалпы 17 сайлау учаскесі жұмыс істеп жатыр.
Сайлау Мамлют ауданындағы Дубровное ауылдық округінде де өтіп жатыр. Әкімдікке барлығы үш кандидат тіркелген. Олардың екеуі өзін-өзі ұсынса, қалған біреуі AMANAT партиясының атынан ұсылынған. Жалпы бұл округте 1398 адам тұрады. Олардың 1046-сы бүгінгі сайлауда өз таңдауын жасамақ
Тағы оқыңыз:СҚО-да азаматтарды бірыңғай қабылдау күні өтеді
