Солтүстік Қазақстан облысы Қызылжар ауданының орталығында екі күн бұрын ғана орнатылған жаңажылдық шырша отқа оранды, деп хабарлайды Qazaqstan Media тілшісі.
Төтенше жағдай Бескөл ауылында болған. Кешкі сағат 18:40-та құтқару қызметіне орталық алаңда орнатылған шыршаның отқа оранғаны туралы хабар түскен.
Оқиға орнына екі көлікпен 6 өрт сөндіруші барды. Алайда олар жеткенде шыршаның күлі ғана қалған.
«От ТЖД қызметкерлері жеткенше сөндірілген. Зардап шеккендер жоқ. Алдын ала болжам бойынша өрт сымдардың қысқа тұйықталуынан шығуы мүмкін», – дейді облыстық ТЖД баспасөз қызметі.
Тағы оқыңыз: СҚО-да қатты боран соғып, мектеп пен балабақшаның шатырын ұшырып әкеткен
Please follow and like us:
