1 шілдеден бастап зейнеткерлерге тұрғын үй жағдайларын жақсартуға немесе емделуге ақы төлеуге өздерінің зейнетақы жинақтарының барлық сомасын пайдалануға құқық беріледі. Мұндай жаңалықпен Еңбек және халықты әлеуметтік қорғау министрлігі бөлісті, деп хабарлайды Qazaqstan Media тілшісі.
Министрлік өкілдерінің хабарлауынша, 1 шілдеден бастап еңбек сіңірген жылдары бойынша зейнеткерлер www.enpf-otbasy.kz интернет-платформасы арқылы БЖЗҚ-да жинақталған қаражаттарын тұрғын үй жағдайларын жақсартуға пайдалану үшін біржолғы зейнетақы төлемдерін алуға «Отбасы банкі» тұрғын үй құрылыс жинақ банкі» АҚ немесе екінші деңгейдегі банктерге жүгіне алады. Ал қаржыны медицина қызметтеріне жұмсау үшін жоғарыда көрсетілген интернет-платформа арқылы «Отбасы банкі» тұрғын үй құрылыс жинақ банкі» АҚ-ға ғана жүгіну керек.
Тағы оқыңыз: Құрбан айт мейрамына қанша күн демалыс беріледі?
