Ғ.Мүсірепов аудандық мәдениет үйінде есірткіге қарсы күреске арналған оқушылармен кездесу өтті. Ол салауатты өмір салтын насихаттау жөніндегі іс-шаралар аясында ұйымдастырылды, деп жазады Qazaqstan Media.
Новоишим ауылының мектеп оқушыларымен кездесуге
аудандық полиция бөлімшесінің қызметкерлері, медицина мамандары, ұстаздар және мәдениет өкілдері келді.
Іс шараны ұйымдастырушылар балаларға нашақорлыққа қатысты статистикалық деректерді келтірді. Мамандар есірткінің зияны мен салдары туралы егжей-тегжейлі және қолжетімді түрде айтып берді.
Тұрмыстық зорлық-зомбылыққа қарсы күрес жөніндегі инспектор Самал Оразаева, жасөспірімдерге есірткі заттарын пайдаланғаны, сақтағаны және таратқаны үшін адам заң алдында жауапқа тартылатындығын айтты.
Ал, Гүлмира Бекова есірткінің ағзаға, әсіресе жасөспірім кезіндегі деструктивті әсері туралы айтты.
Кездесуге қатысушылар үшін деректі фильм көрсетіліп, полиция қызметкерлері ақпараттық буклеттер таратты.
Тағы оқыңыз: Петропавлда ұялы байланыс арқылы алаяқтық схемасын ұйымдастырған шетелдік ұсталды
