Ел мерейін асырған спортшы – жастарға үлгі. Қысқы Паралимпиада чемпионы Ербол Хамитов Ахмет Байтұрсынұлы атындағы №9 орта мектептің оқушыларымен кездесті, деп хабарлайды Qazaqstan Media.
Тағылымы мол шарада толағайымыз ұл-қыздарға өзінің жүріп өткен жолы, кездескен қиындықтар мен жетістіктері жайлы айтты. Талай жылғы тәжірибесімен бөлісті. Ербол Хамитов алдағы уақытта басқа да білім ордаларын аралайтын болады.
Мұндай кездесулер жастарға жаңа мүмкіндіктерге жол ашады. Мүмкін араларынан Ербол сияқты чемпиондар шығып қалар.
«Қандай да жағдай болмасын сынбау қажет. Әрдайым ізденісте жүру керек. Талмай еңбек етсек қана жетістікке жете аламыз», — XIV қысқы Паралимпиада ойындарының чемпионы Ербол Хамитов.
Тағы оқыңыз: СҚО-да 50 мыңнан астам қауіпсіздік сабағы өтті
