Биыл теміржол қызметтерінің бағасы 10,5% – ға өсті. Finprom.kz порталы атап өткендей, қызметтердің құны қымбаттауда. Қыркүйек айының қорытындысы бойынша елімізде бағаның жылдық өсуі орташа есеппен 10,5% құрады. Қала маңындағы пойызда жол жүру 10,7% – ға, республикаішілік қатынастағы пойыздың плацкарт вагонында – 11,3% – ға, ал купе вагонында-9,4% – ға қымбаттады, деп хабарлайды Qazaqstan Media.
Өңірлер арасында билет бағасының күрт қымбаттауы Маңғыстауда тіркеліп отыр, 30,3%. Екінші Жетісу облысы – 21,1%. Алдыңғы үштікке Солтүстік Қазақстан облысы да енді. Мұнда билет бағасы 20,2% өскен.
Айта кету керек, Солтүстік Қазақстан облысында қыркүйек айында қала маңындағы пойызда жол жүру бағасының рекордтық өсуі тіркелді. Бір жылда бірден 126,7% – ға қымбаттаған. Жетісу облысына келетін болсақ, республикаішілік қатынас пойыздарында жол жүру бағасының ең көп өсуі анықталды: купе – 45,3% – ға, ал плацкарт-46,3% – ға.
Теміржол қызметі құнының ең төмен өсуі Шығыс Қазақстан облысында тіркеліп отыр. Бір жылда небәрі 2,4% – ға қымбаттады.
Тағы оқыңыз: 227 мың: Жалақы бойынша ең төмен көрсеткіш СҚО-да