Ғ. Мүсірепов ауданындағы «Ақ нан север» ЖШС өрт шығып, 100 тонна астық жанып кетті, деп хабарлайды Qazaqstan Media тілшісі.
Өрт 25 қазан күні түнгі сағат бірлер шамасында тіркелген. Қызыл жалынды ауыздықтауға № 16 өрт сөндіру бөлімінің 21 қызметкері мен 4 бірлік техникасы, сондай-ақ «ҚТЖ» АҚ пойызы жұмылдырылған.
«Өрт 274 шаршы метр аумақты шарпыған. Салдарынан 100 тонна күнбағыс дәні мен астық кептіргіш жанып кеткен. Сондай-ақ қызыл жалын жақын маңда орналасқан қазандыққа ауысып, шатырын зақымдаған. Оттың өзге өнімді зақымдануына жол берілмеді. Абырой болғанда адам шығын жоқ», – делінген СҚО ТЖД баспасөз қызметі таратқан ақпаратта.
Қазіргі күні келтірілген шығын мен өрттің шығу себебі анықталуда.
«Өрт таңғы сағат 07:19-да ауыздықталды. Қызыл жалынмен күресуге қатты жел кедергі келтірді. Алдын ала болжам бойынша от технологиялық процестердің бұзылуынан шыққан», – деп хабарлайды СҚО ТЖД баспасөз қызметі.
Тағы оқыңыз: СҚО-да пойыз билеттерінің бағасы 20% – ға өсті
