Кеше Қазақстан волейболдан әйелдер лигасының жетінші тур ойындары өтті. Оның аясында жергілікті «Қуаныш» ВК түркістандық «Тұранды» қабылдады, деп хабарлайды Qazaqstan Media.
Турнирлік кестеде «Қуаныш» — үшінші, «Тұран» — бесінші орында тұр. Алаң иелері айқын фаворит. Жанкүйерлер командадан тек жеңіс күтті.
Жергілікті команда сенімді ақтады. Қарсыластан үш те бір есебімен басым түсті. Алаң иелері 25-21, 25-17 және 25:17 есептерімен қарсыласты жеңді. Тек үшінші сетте 21-25 есебімен қонақ командаға есе жіберді. Айта кету керек, теріскейлік клуб бүгін тағы осы клубпен кездеседі. Ойын 18:30-да басталады.
«Қуаныш» ВК түркістандық «Тұраннан» басым түсті
«Ойын өте керемет өтті. Қарсыласқа екі апта бойы дайындалдық. Бапкеріміз дұрыс тактика құрды. Тек үшінші партияда босансып қалдық. Алда ойындар көп. Басты мақсатымыз — чемпионатта жеңіске жету», — деді команда ойыншысы Балайым Қойлыбаева.
