Биыл бизнес ашып, кәсібін дамытамын деген жастарға 11,4 млрд теңге қаржы берілген. Осының арқасында 2,5 мыңнан астам жоба іске асырылды, деп хабарлайды Qazaqstan Media тілшісі.
Несие 21-35 жас аралығындағы азаматтарға өз кәсібін ашу немесе оны кеңейту үшін беріледі. Операторы – «Аграрлық несие корпорациясы» АҚ.
«2023 жылдың 10-шы тамызындағы жағдай бойынша 5,3 мыңнан астам өтінім келіп түскен. Соның 3 344 мақұлданды. Бүгіндері 2 577 жобаны іске асыруға 11,4 млрд теңгеге несие берілген. Ал, қалған жобалар қаржыландырылу үстінде. Айта кетейік, жастар кәсібін қолдауды Мемлекет басшысы өз жолдауында тапсырған болатын», – деп хабарлады үкіметтің баспасөз қызметі.
Несие алушылардың басым бөлігі мал шаруашылығы, қызмет көрсету, сауда, өсімдік шаруашылығы және жеңіл өнеркәсіп салаларындағы жобаларды іске асырған.
Жалпы, 2023 жылы 29 млрд теңгеге 5 796 шағын несие беру жоспарланып отыр.
Тағы оқыңыз: Николаевка ауылында балалар алаңқайы салынып жатыр
