СҚО-дағы барлық сайлау учаскілері жабылып, дауыс беру аяқталды, деп хабарлайды Qazaqstan Media тілшісі.
Кешкі сағат сегізде дауыс беру аяқталып, сайлау учаскелерінің мүшелері дауыс санауға кірісті. Айта кетейік, саяси науқан барысында тұрғындар белсенділік танытты. Мұны учаскілерге барып саяси науқанның өту барысымен танысқан бақылаушылар айтуда.
«Мемлекет басшысы Қасым-Жомарт Тоқаевтың бастамасымен бүгін елімізде аудан әкімдерінің сайлауы өтті. Мен бақылаушы ретінде № 1 Мамлют мектеп-гимназиясында орналасқан 324-ші сайлау учаскесінде болып қайттым. Онда барлығы 1614 сайлаушы тіркелген екен. Айта кету қажет, халықтың сайлауға деген қызығушылығы жоғары. Тұрғындар сайлауға белсенді қатысып жатыр. Ешқандай заңбұзушылықтар тіркелген жоқ», – деді бақылаушы, «TheLastHope» ҮЕҰ» ҚБ басқарма төрағасы Руслан Асаубаев.
Тағы оқыңыз: Ауданымыздың дамуы үшін таңдау жасадым- дауыс беруші
