Облыста 1-ші ақпаннан бастап жарықтың бағасы да өспек. «Севказэнергосбыт» ЖШС энергиямен жабдықтау бағасын 17,2 пайызға қымбаттатпақ, деп хабарлайды Qazaqstan Media тілшісі.
Серіктестік басшылығының сөзінше тарифтің өсуіне негізгі себеп, бірыңғай сатып алушыдан электр энергиясын сатып алу бағасы 12 теңгеге өсуі. Сонымен қатар, «КEGOC» АҚ реттеліп көрсетілетін қызметтеріне тарифтердің көтерілуі және электр қуатының жүктемені көтеруге дайындығын қамтамасыз ету сынды себептер негіз болған.
«Жарық бағасы 1 ақпаннан бастап қымбаттамақ. Тұрғындар үшін жарық тарифі 17 теңге 42 тиын болса, бюджетті ұйымдарға 35 теңге 39 тиын, басқа тұтынушылар үшін 27 теңге 87 тиын болады. Ал әлеуметтік маңызы бар тауар өндірушілер үшін 24 теңге 76 тиын болады»,-деді «Секазэнергосбыт» ЖШС директоры Мағауия Сағандықов.
Тағы оқыңыз:СҚО-да жылу энергиясы қымбаттайды
