Петропавлда 2026 жылғы «Мерейлі отбасы» ұлттық байқауының бірінші кезеңі жарияланды. Байқауға еңбек, спорт, шығармашылық, зияткерлік және ғылыми жетістіктері бар отбасылар қатыса алады, деп хабарлайды Qazaqstan Media.
Сондай-ақ байқауға қатысу үшін еріктілік, қайырымдылық, меценаттық және тәлімгерлік сияқты қоғамдық пайдалы істерге белсенді араласатын отбасылар да өтінім бере алады.
Қатысушылар құжаттарын 2026 жылғы 15 мамыр мен 15 маусым аралығында тапсыруы керек. Өтінімдер Петропавл қаласы, Қазақстан Конституциясы көшесі, 23 мекенжайында, 408-кабинетте қабылданады. Құжаттарды Петропавл қаласы әкімдігінің «Ішкі саясат бөлімі» КММ қарайды.
Байқауға қатысу үшін ата-аналардың жеке куәліктерінің көшірмелері, балалардың туу туралы куәліктері, неке туралы куәлік, жетістіктерді растайтын құжаттар және кемінде екі ұсыным хат қажет. Егер отбасы қоғамдық пайдалы қызметпен айналысса, оны растайтын құжаттарды да қоса ұсынуға болады.
Қосымша ақпаратты 46-95-17 және +7 705 169 6062 телефондары арқылы білуге болады.
Тағы оқыңыз: Қазақстанда 200 мың мұғалім ChatGPT Edu қолдануды үйренеді
