Бірнеше апта Петропавлда іздеуде жүрген қылмыскер ұсталды. Пәтер ұрысына екінші маусымнан бастап іздеу жарияланған болатын. Ол бірнеше ұрлау фактісі бойынша айыпты деп танылған. Мамлюттік жігітті тәртіп сақшылары үш аптадай уақыт өткесін ұстады, деп жазады Qazaqstan Media.
Қылмыскердің іздеуде екенін петропавлдықтар WhatsApp хабарлама арқылы білген еді. Онда пәтер ұрысы іздеуде екенін және сол кезде Петропавлдың жеке тұрғын үй секторында ұрлық жасап жүргені туралы айтылды. Тіпті саяжайларды да тонап кетті, деген хабарламалар болды.
Сол кезде полиция департаменті 48 жастағы рецедивист ұры Геннадий Дейкиннің іздеуде екенін растады. Ер адам бірнеше рет істі болған. Соңғы ісі бойынша сот отырыстарына себепсіз келмей қойған. Содан кейін Мамлют аудандық сот, оған іздеу жариялау туралы қаулы шығарған еді. Тәртіп сақшылары ұрыны Петропавл қаласының орталық көшелерінің бірінде ұстады.
«26-шы маусым күні 20 сағат 10 минут кезінде Парк және Партизан көшелерінің қилысында полицейлер бұрын іздеу жарияланған 48 жастағы ер адамды ұстады»,- деп хабарлады СҚО ПД баспасөз қызметі.
Геннадий Дейкин қазіргі кезде сегіз ұрлық бойынша айыпты деп танылған.
Тағы оқыңыз: Қазақстанда рұқсатсыз ағаш кескендер айыппұл арқалайды
