Солтүстік Қазақстан облыстық жолаушылар көлігі және автомобиль жолдары басқармасының басшысы тағайындалды. Ведомствоны енді Ерден Ерболатұлы Шортыбаев басқарады, деп жазады Qazaqstan Media.
Ерден Шортыбаевты өңір әкімі Ғауез Нұрмұхамбетов облыстық әкімдікте өткен жиында таныстырды.
Ерден Шортыбаев — өңірлік кадр резервінің өкілі. 1993 жылы туған. Абай Мырзахметов атындағы Көкшетау университетінің, Л. Б. Гончаров атындағы Қазақ автомобиль-жол академиясының түлегі.
Еңбек жолын «Астана орманы» ЖШС бастап, ҚР Инвестициялар және даму министрлігінің Автомобиль жолдары комитетінде, Солтүстік Қазақстан облысының жолаушылар көлігі және автомобиль жолдары басқармасында жұмыс істеді.
Осы тағайындауға дейін облыстық жолаушылар көлігі және автомобиль жолдары басқармасы басшысының орынбасары болды.
Тағы оқыңыз: Петропавлда есірткі таратқан жігіт пен қыз ұсталды
