СҚО-да алдағы үш күнде күн суытып, жауын-шашын түседі. Тіпті мамырдың алғашқы түнінде ауа температурасы — 6°C дейін төмендеп, қар жаууы ықтимал, деп жазады Qazaqstan Media тілшісі.
Солтүстік Қазақстанда алдағы үш күн суық болады. Облыстың басым бөлігінде жауын-шашын болып, тұман түседі. Тіпті түнде ауа температрасуы кей аудандарда — 6 °C-қа дейін төмендемек.
«Сәуірдің 30-ы күні облыстың солтүстік-шығысында түнгі уақытта ауа температурасы — 2°C дейін төмендейді. Облыстың оңтүстігінде, батысында жаңбыр жауады. Желдің жылдамдығы күндіз 25 м/с -ге дейін жетпек. Күндіз термометр көрсеткіші + 9°C көрсетпек», — деп хабарлады синоптиктер.
Ал мамыр айының алғашқы күнінде ауа температурасы күндіз + 13 °C дейін жылынғанымен, түнде кей аудандарда — 6 °C болады деп болжанып отыр. Облыстың солтүстігінде, шығысында қар аралас жаңбыр жауады. Ал екінші мамырда тұман болуы ықтимал. Түнде +1+6 °C, күндіз +5+10 °C болады.
Тағы оқыңыз: СҚО жолдарында 16 мас жүргізуші ұсталды
