Солтүстік Қазақстан облысында 2025 жылдың бірінші тоқсанында 581 неке тіркелген. Отбасын құрғандардың дені петропавлдықтар, деп хабарлайды Qazaqstan Media.
Былтыр өңірде үш мыңға жуық неке тіркеліп, 602 жұп ажырасқан. 2024 жылы алғаш рет некеге тұрған ең егде жастағы азаматтың жасы 65-те болған. Осылайша қариялар махаббат жасқа қарамайтындығын дәлелдеді.
«Ал 2025 жылдың бірінші тоқсанында өңірде 581 неке тіркеліп, 152 жұп ажырасқан. Бүгіндері некеге тұру үшін өтініш берушілер 3864 теңге мемлекеттік баж салығын төлеуі тиіс. Ал ажырасқысы келетіндер үшін бұл сома екі есе көп, 7728 теңгені құрайды», — деп көрсетілген АХАТ органы ұсынған ақпаратта.
