СҚО-да 30-дан астам адам Конституция күні қарсаңында түрлі деңгейдегі марапатқа ие болды
Солтүстік Қазақстанда Конституцияның 30 жылдығы тойланды. Салтанатты шара барысында 30-дан астам жерлесіміз түрлі деңгейдегі марапат алды, деп хабарлайды Qazaqstan Media.
Конституция халыққа таңдау құқығын берді. Алдағы даму жолымыздың бағыт-бағдарын айқындады. Адам өмірі мен бостандығына кепіл болды.
Осыны жақсы түсінетін солтүстікқазақстандықтар Ата заң күнін ұлықтауға бір кісідей жиналды. Салтанатты шараға облыс әкімі Ғауез Нұрмұхамбетов қатысты. Барша солтүстікқазақстандықтарды мерекемен құттықтады.
СҚО-да 30-дан астам адам Конституция күні қарсаңында түрлі деңгейдегі марапатқа ие болды
«Ата заң — тек құқықтық құжат емес. Халқымыздың асқақ арманы мен ортақ мүддесінің көрінісі. Конституция әрбір азаматтың құқығын қорғап, әділетті өмір сүруге мүмкіндік береді. Баршаңызды Ата заң күнімен құттықтаймын!»,- өңір жетекшісі.
Кейін өлкенің дамуына сүбелі үлесін қосып, қоғамдық өмірмен біте қайнасып жүрген жерлестеріміз түрлі марапатқа ие болды. Ең алдымен бірқатар азамат Мемлекет басшысының жарлығы бойынша қоғамдық қызметтегі сіңірген еңбегі үшін «Конституция — 30 жыл»медалімен марапатталды.
Жиын барысында екі ана «Алтын алқа» наградасына ие болды. Соның бірі — Әйгерім Шайхеслямова. Азаматша — жеті баланың анасы. Қуанышында шек жоқ. Облыс әкімінің қолынан марапат алу нәзікжандының үш ұйықтасамда түсіме кірмепті.
СҚО-да 30-дан астам адам Конституция күні қарсаңында түрлі деңгейдегі марапатқа ие болды
«Бала тәрбиесіне ерекше көңіл бөлемін. Күнде кешке әрбіреуімен жеке сөйлесемін. Елімізде көпбалалы аналардың саны көп болсын! Ұл-қыздарымыз аман болсын!»,- деді Жамбыл ауданының тұрғыны Әйгерім Шайхеслямова.
Мерекелік шарада үш жалынды жас облыс әкімінің грантына ие болды. Тағы екеуі мемлекеттік қызметке қабылданып, адал еңбек етуге ант берді. Басқосу концерттік бағдарламамен жалғасын тапты.
