Қазақстанда шілде айының екінші жексенбісінде балықшылар күні аталып өтеді. Осыған орай Пестрое көлінің жағасында балық аулаудан жарыс өтті. Оған 30-ға жуық балықшы қатысты, деп хабарлайды Qazaqstan Media тілшісі.
Балық аулаудан жарыс таңғы 6-да басталды. Бірі олжалы болып жатса, енді бірінің қармағына ештеңе түспеген. Жарысты төреші Вячеслав Смирнов бақылады. Зейнеткердің бұл саладағы еңбек өтілі – 65 жыл.
«Жарысқа әр жеке кәсіпкерліктен 2-3 балықшы қатысып жатыр. Олар 2 сағат бойы балық аулады. Балықтардың салмағын өлшеп тізімге енгіздік. Енді жеңімпаздар анықталады», — дейді жарыс төрешісі Вячеслав Смирнов.
Іс-шара спорттық бағдарламамен өз жалғасын тапты. Балықшылар волейбол, дойбыдан жарысқа түсті. Петрое көлінің жағасына келгендер балықтар көрмесін тамашалап, балық сорпасынан дәм татты.
Тағы оқыңыз: Аққайың ауданында жетімдерге баспана берілді
