Солтүстік Қазақстанда мектеп түлектері республикалық «Таза Қазақстан» акциясына белсенді қатысуда. Олар экологиялық шара аясында 3800-ге тарта көшет егіп, көгалдандыру жұмыстарына ат салысты, деп жазады Qazaqstan Media тілшісі.
Тал егу акциясы алтыншы мамыр күні республика бойынша ұйымдастырылды. «Түлектердің ағаш отырғызуы» деп аталатын эко-челленджге өңіріміздің тоғызыншы және он бірінші сынып оқушылары қатысты. Олардың көмегімен теріскейде 3800-ге жуық жасыл желек егілді.
«Балалар қайың, шырша, қарағай, шие және тағы басқа ағаш түрлерін отырғызды. Жалпы челленджге 3926 түлек қатысты. Олардың 656-сы 9 сынып, қалған 3270-сі 11 сынып оқушылары. Шара өңіріміздегі барлық орта білім беру мекемелерінде ұйымдастырылды», – деп хабарлайды облыстық білім басқармасының баспасөз қызметі.
Тағы оқыңыз: Солтүстікқазақстандық оқушылар «Балдәурен» орталығында демалады
