Өңірде жалға алынған пәтерде заңсыз есірткі сатқан азамат 10 жылға бас бостандығынан айырылды. Сот алқабилердің қатысуымен өтті, деп хабарлайды Qazaqstan Media тілшісі.
Айыпталушы И. салмағы 2,5 кг-нан асатын гашиштың оралған дозаларын, және 600 грамнан асатын кептірілген марихуананы сонымен қатар 13 гр. гашишты үлкен мөлшерде жалға алынған пәтерінде сақтаған. Есрткіні «Telegram» мессенджері арқылы сатпақ болған. Айыпталушы И.-дың кінәсі пәтерді тінту кезінде және ұялы телефонда есірткі сатып алу туралы хат алмасумен дәлелденді.
Сот үкімімен Қазақстан Республикасы Қылмыстық кодексінің 297-бабының 3-бөлігінің 3,5-тармағы бойынша орташа қауіпсіз мекемеде 10 жылға бас бостандығынан айыру жазасы тағайындалып, ұялы телефоны қылмыс жасау құралы ретінде тәркіленді.Үкім әлі заңды күшіне енген жоқ.
Тағы оқыңыз:Былтыр СҚО-да үй жануарлары иелері 779 рет заң бұзған
