Жол активтері сапасының ұлттық орталығының облыстық филиалы автожолдарда 434 рет тексеріс жүргізіп, 190 олқылықты анықтады. Оның тек 112-сі жойылды, деп хабарлайды Qazaqstan Media тілшісі.
Сонымен қатар жол-құрылыс материалдарының 1555 сынамасы алынды, оның 559-ы нормативтік-техникалық құжаттаманың талаптарына сәйкес келмейді екен. Елді мекендеріндегі және Петропавлдағы орташа жөндеуден өткен көшелерде 172 тексеру жүргізілді.
«Техника мен құрал-жабдықтардың жетіспеушілігі, білікті мамандардың тапшылығы және құрылыс саласында тәжірибесі аз мердігер компаниялардың кесірінен жол жөндеу жұмыстары дұрыс атқарылмайды. Биыл шаруаны тиісінше орындамағандарға 1,5 млн теңге көлемінде әкімшілік айыппұл салынды», — деді жол активтері сапасының ұлттық орталығы облыстық филиалының мамандары.
Тағы оқыңыз:Есіл ауданында үздік мәдениет мекемесі анықталды
