Ашық қала бюджеті, биліктің түсінікті шешімдері және берілген уәделердің орындалуын бақылау. Петропавл қалалық мәслихатының № 7 бірмандаттық сайлау округі бойынша «ӘДІЛЕТ» партиясынан депутаттыққа кандидат Руслан Шарипов қаладағы мәселелерді шешудің жаңа тәсілін ұсынады. Ол сайлауалды бағдарламасында заманауи технологияларды қолдануға, билік жұмысының ашықтығына және нақты нәтижеге қол жеткізуге басымдық береді, деп хабарлайды Qazaqstan Media.

Қаланы басқару ашық болуы керек

Қала тұрғындары бюджет қаражатының қайда жұмсалатынын, жобалардың жүзеге асырылуына кім жауапты екенін және кейбір мәселелердің неліктен жылдар бойы шешілмей келе жатқанын білуі тиіс. Руслан Шарипов сайлауалды бағдарламасының негізіне дәл осы мәселелерді алған.

Кандидаттың пікірінше, қаланы тиімді басқару шешімдердің ашықтығынан және олардың орындалуын тұрақты бақылаудан басталады. Жөндеу немесе абаттандыру жұмыстарына қаржы бөлу жеткіліксіз. Ең бастысы, жұмыстың сапалы орындалуын және тұрғындардың нақты нәтижесін көруін қамтамасыз ету қажет.

«Мен қаладағы маңызды жобалар туралы ақпараттың тұрғындарға түсінікті әрі қолжетімді болуына күш саламын. Атап айтқанда, қандай жұмыс жоспарланғанын, оған қанша қаражат бөлінгенін, орындаушының кім екенін және қандай нәтижеге қол жеткізілгенін халық білуі керек. Мәселелер анықталған жағдайда оларды мәслихат пен бейінді комиссиялардың отырыстарында қарауға бастамашылық етемін», – дейді Руслан Шарипов.

Кандидат тұрғын үй-коммуналдық шаруашылық пен қаланы абаттандыру мәселелеріне ерекше назар аудармақ. Оның бағдарламасында жолдар мен тротуарларды жөндеуге, тұрғын үйлердің шатырлары мен қасбеттерін жаңартуға, көшелерді жарықтандыруды жақсартуға, аулаларды, балалар және спорт алаңдарын күтіп ұстауға ықпал ету көзделген.

Сондай-ақ тұрмыстық және ірі көлемді қалдықтарды уақытылы шығару, ағаштарды күтіп-баптау және коммуналдық қызметтердің жұмысындағы кемшіліктерді жою мәселелері де назардан тыс қалмайды.

Руслан Шарипов тұрғындардың өтініштері тек ресми жауап берумен шектелмеуі тиіс деп есептейді. Әрбір маңызды мәселе бойынша қабылданған шешімді ғана емес, оның іс жүзінде орындалуын да бақылау қажет.

«Барлық мәселені бірден шешу мүмкін емес. Бірақ әрбір маңызды мәселенің нақты шешілу жолы болуы керек. Тұрғынның өтінішінен бастап оны қарау, шешім қабылдау және орындалуын тексеруге дейінгі барлық кезең ашық әрі түсінікті болуы тиіс», – дейді кандидат.

Руслан Шарипов мұндай ұстанымды өзінің кәсіби тәжірибесімен байланыстырады. Ол 25 жылдан астам уақыт бойы ақпараттық технологиялар, цифрландыру және басқару салаларында еңбек етіп келеді.

Руслан Шарипов 1976 жылы 16 желтоқсанда Петропавл қаласында дүниеге келген. М. Қозыбаев атындағы Солтүстік Қазақстан мемлекеттік университетін және А. Мырзахметов атындағы Көкшетау университетін «Бизнес және менеджмент», «Ақпараттық жүйелер» мамандықтары бойынша тәмамдаған.

Қолданыстағы цифрлық сервистердің мүмкіндіктерін тиімді пайдалануды ұсынады

Еңбек жолын 1999 жылы Солтүстік Қазақстан облысының білім департаментінде бастаған. Кейін облыс әкімі аппаратында қызмет атқарған. 2006–2011 жылдары ақпараттық технологиялар орталығын басқарған. 2017 жылдан бері «Инфотехцентр СК» ЖШС-не жетекшілік етеді, сондай-ақ «Интегро» компаниялар тобының басқару жұмысына қатысады.

Оның басшылығымен мемлекеттік органдарға арналған 20-дан астам ақпараттық жүйе әзірленіп, Қазақстанның сегіз өңірінде енгізілген. Енді кандидат жинақтаған білімі мен басқарушылық тәжірибесін туған қаласының дамуына бағыттауды көздейді.

«Цифрландырусыз, басқару процестерінің ашықтығынсыз және бюджет қаражатының жұмсалуына нақты бақылау орнатпай, тиімді дамуға қол жеткізу қиын. Менің мақсатым – кәсіби тәжірибемді тұрғындардың күнделікті мәселелерін шешуге және сайлау округінің инфрақұрылымын жаңғыртуға пайдалану», – дейді Руслан Шарипов.

Сайлауалды бағдарламаның тағы бір бағыты – қалалық қызметтерді тұрғындар үшін барынша қолжетімді әрі ыңғайлы ету. Кандидат артық келісу рәсімдері мен қайталанатын өтініштер санын қысқартуды, жаңа жүйелерді орынсыз енгізбей, қолданыстағы цифрлық сервистердің мүмкіндіктерін тиімді пайдалануды ұсынады.

«Технологиялар адамдардың өмірін жеңілдетуі керек. Керісінше, күнделікті рәсімдерді күрделендіріп, қосымша кедергі тудырмауы тиіс», – дейді ол.

Руслан Шарипов тұрғындардың, кәсіпкерлердің, жастар мен түрлі сала мамандарының бастамаларын қолдауға да ниетті. Оның пікірінше, қалалық ортаны жақсартуға бағытталған ұсыныстар нақты қарастырылып, өзге өңірлердің оң тәжірибесі Петропавлда да қолданылуы қажет.

Депутат болып сайланған жағдайда ол азаматтардың өтініштерімен жүйелі жұмыс істеуді, депутаттық сауалдар жолдауды, тиісті мемлекеттік органдармен және коммуналдық қызметтермен өзара іс-қимылды күшейтуді жоспарлап отыр.

Руслан Шарипов үшін депутаттық жұмыстың басты көрсеткіші өткізілген отырыстардың немесе дайындалған құжаттардың саны емес, тұрғындар күнделікті өмірінде көріп, бағалай алатын нақты өзгерістер болмақ.

Кандидаттың ұстанымы бойынша, әрбір тұрғынның өтініші назардан тыс қалмай, мәселенің нақты шешілуіне дейін жеткізілуі тиіс. Ол депутаттық қызметін осы қағидатқа негіздеуді көздейді.

Дайындаған: «QazaqstanMedia» ЖШС, Петропавл қаласы, Брусиловский көшесі, 63/13.

Тапсырыс беруші: депутаттыққа кандидат Р.Р. Шарипов.

Республикалық бюджет қаражаты есебінен төленді.