Елімізде алаяқтықтың төмендеуі байқалуда. Жалпы тіркелген қылмыстық құқық бұзушылықтардан алаяқтықтың үлесі 30% -ды құрайды, деп хабарлайды Qazaqstan Media тілшісі.
ҚР Бас прокуратурасының мәліметінше алаяқтық әрекеттердің салдарынан 34 623 адам зардап шеккен. Оның басым бөлігі әйелдер. Сондай-ақ, кәмелетке толмаған 102 бала да алданыпты. Мектеп, гимназия, лицей, колледж, жоғарғы оқу орындарында оқитындардың 291-і, зейнеткерлер 1714-і, 8 мүгедек алаяқтардың құрбаны болған.
Аймақ бойынша ең көп алаяқтық Алматы қаласы — 6742, Астанада — 5358, Қарағанды облысы – 2590 тіркелген.
« Ақша қаражатын қарызға алу арқылы алаяқтық 73% — ға төмендеді, барлығы 24 (89) факт орын алған. Төлем карталарын пайдалану арқылы жасалған алаяқтық фактілері бойынша да төмендеу байқалады, барлығы 197 қылмыстық құқық бұзушылық тіркелді, бұл өткен жылдың сәйкес кезеңімен салыстырғанда 13,2% — ға аз» -делінген Бас прокуратураның хабарламасында.
Тағы оқыңыз: А.Смаилов: «Мемлекет ауа – райынан зардап шеккен фермерлерге көмектеседі»
