Елімізде жастарға 2,5 пайыздық жеңілдетілген несие беру басталды, деп хабарлайды Qazaqstan Media тілшісі.
Еңбек министрлігінің хабарлауынша, жылдық мөлшерлемесі 2,5% болатын несиені 21 мен 35 жасқа дейінгі қыз-жігіттер ала алады. Ол 5 жыл мерзімге берілетін болады. Ол үшін жастар жеке кәсіпкер ретінде тіркелген болуы қажет. 2023 жылы кредит беруге 30 млрд теңгеге жуық қаржы қарастырылған. Нәтижесінде, 5,8 мың жас адамға жеңілдігі бар кредит беру жоспарланып отыр. Сонымен қатар гранттар да берілмек.
