4 қазан күні Уәлиханов ауданында оқушылар арасында сыбайлас жемқорлыққа қарсы іс-қимыл бойынша «Время действовать» тақырыбында дебат өткізілді, деп хабарлайды Qazaqstan Media тілшісі.
«Время действовать» тақырыбындағы дебаттың мақсаты, сыбайлас жемқорлықтың алдын алып, жастар арасында көшбасшылық қасиеттер мен патриотизм сезімін дамыту. Дебат турнирін аудандық «Номад-Қызылту»жастар қоғамдық бірлестігі ұйымдастырды.
«Жастар арасында сыбайлас жемқорлықтың алдын алу бойынша жұмыс жүргізу өте маңызды.Олар жастайынан сыбайлас жемқорлық заман дерті екенін түсінулері керек.», — дейді бірлестік төрағасы Жаслан Күнжанов.
Посмотреть эту публикацию в Instagram
Турнирге жергілікті мектептерден барлығы 3 команда қатысты. Командалар заңнамалық базаға, ситуациялық мысалдарға, сыбайлас жемқорлық фактісі туралы білген жағдайда ресми қызметтерге хабарласу керек екені туралы түрлі тақырыптар бойынша пікірлерімен бөлісті. Іс-шара соңында барлық командалар арнайы диплом, сыйлықтармен марапатталды.
