Премьер-Министр Әлихан Смайылов «Қазақстан Республикасында тіл саясатын дамытудың 2023-2029 жылдарға арналған тұжырымдасын бекіту туралы» Үкімет қаулысына қол қойды, деп хабарлайды Qazaqstan Media.
Тұжырымдама 6 бөлімнен және іс-қимылдар жоспарынан тұрады. Басты міндеттің бірі — қазақ әліпбиін латын қарпіне көшіру. Жалпы, тұжырымдаманы іске асыру аясында 2029 жылға қарай мына нәтижелерге жетуге мүмкіндік бермек:
— республика бойынша қазақ тілінде сөйлейтін тұрғындардың үлесі -84%;
— үш тілде сөйлейтін тұрғындардың үлесі — 32%;
— жаңа әліпби мен емле ережесін оқыту курсымен қамтылған тұрғындар үлесі — 15%;
— орталық мемлекеттік және жергілікті атқарушы органдардың мемлекеттік тілде іс жүргізу үлесі — 94%;
— қазақ тілінің латын графикалы әліпбиінің емле ережесіне негізделген терминологиялық қордың үлесі — 40%.
Қаулы 16 қазаннан бастап күшіне енді.
Тағы оқыңыз: Полицей көпірден өзенге құлап кеткен әйел адамға көмек көрсетті
