Білім министрлігі су тасқынынан зардап шеккен балаларға қолдау көрсету және олардың салауатты демалысын қамтамасыз ету мақсатында «Балдәурен» республикалық оқу-сауықтыру орталығында қосымша ауысым ұйымдастырды. Солтүстік Қазақстан облысынан 96 бала 8-25 мамыр аралығында «Балдәурен» республикалық оқу-сауықтыру орталығында демалатын болады, деп хабарлайды Qazaqstan Media тілшісі.
Облыстық білім басқармасының мәліметінше, Шал ақын ауданынан 37 бала, Ғ. Мүсірепов ауданынан тоғыз бала Алматы облысы Қонаев қаласындағы «Балдәурен» республикалық оқу-сауықтыру орталығына жазғы демалысқа жіберілді. Ал Ақмола облысы Щучинск қаласындағы «Балдәурен» орталығына Петропавл қаласы мен Есіл және Қызылжар аудандарынан 48 бала барады. Оқушылар 6 мамыр күні жолға шығады.
Тағы оқыңыз:Петропавл-Жезқазған тас жолының су шайып кеткен учаскесі ашылды
