С. Мұқанов атындағы қазақ сазды-драма театры актерлерінің еңбегі халықаралық фестивальде жоғары бағаға ие болды, деп хабарлайды Qazaqstan Media тілшісі.
Шілденің 5-і мен 15-і күндері Грузия елінің Озургетти қаласында Н.Думбадзе атындағы ІV Халықаралықтеатрлар фестивалі өтті. Оған 7 мемлекеттің өнерпаздары қатысып, барлығы 30 шақты спектакль сахналанды. Іс-шарада жергілікті С.Мұқанов атындағы қазақ сазды-драма театрының өнерпаздары өңір намысын абыроймен қорғап, қазылардың оңбағасын алды. Мәселен, қара шаңырақтың актрисасы Жанар Насырова Инга рөлімен “Үздік шетел актрисасы” номинациясын иеленді. Ал Б.Абдураззаковтың режиссерлігімен қойылған Н.Думбадзенің “Кукарача” қойылымы “Ең үздік интерпретация” атауына лайық деп танылды.
Тағы оқыңыз: М. Жұмабаев ауданында мектептегі жөндеу жұмыстары оқу жылы басталғанша аяқталмай қалуы мүмкін
