Солтүстік Қазақстан облысы соңғы жылдары сыбайлас-жемқорлық деңгейі ең төмен өңірлердің көш басында тұр. Бұл туралы сыбайлас жемқорлыққа қарсы іс-қимыл агенттігінің СҚО бойынша департаментінің басшысы Асхат Жақыпбеков мәлімдеді, деп хабарлайды Qazaqstan Media тілшісі
Өңірде осы жылдың 9 айында 5 мемлекеттік органға сыртқы талдаулар жасалып, сыбайлас-жемқорлыққа қарсы 8 мониторинг жүргізілген. Нәтижесінде, барлық мемлекеттік органдарда сыбайлас-жемқорлықтың алдын алу, заңнаманы жетілдіру мақсатында 200 ұсыныс әзірленді. Жалпы сыбайлас жемқорлық қылмысының алдын алу бағытында жұмыстар қарқынды түрде жүргізіліп жатыр.
“Дегенмен, жемқорлық жоқ емес, атқаратын жұмыстар бар. Агенттік басшылығы тарапынан тиісті міндеттер қойылды. Осы орайда қоғамда жемқорлыққа қатысты мәдениетті қалыптастыру бойынша жұмыстар да атқарылды. Сіздермен табысты өзара байланыс орнататынымызға сенім білдіремін!”,- сыбайлас жемқорлыққа қарсы іс-қимыл агенттігінің СҚО бойынша департаментінің басшысы Асхат Жақыпбеков
