Петропавлда К. Сүтішев көшесі бойындағы жаяу жүргіншілер өтпелінде 79 жастағы зейнеткерді Toyota Land Cruiser автокөлігі қағып кетті, деп хабарлайды Qazaqstan Media тілшісі.
Оқиға 22-ші қаңтарда сағат 16:30 орын алды. Кәрім Сүтішев көшесіндегі жаяу жүргіншілер жолынан өтіп бара жатқан қарияны шетелдік көлік қағып кетті. Нәтижесінде зардап шеккен тұрғын жедел жәрдем көлігімен ауруханаға жеткізілді.
«Toyota Land Cruiser машинасының 52 жастағы жүргізушісі медициналық тексеріске жіберілді. ЖКО бойынша процессуалды шешім шығару үшін материал жиналып жатыр», деді СҚО ПД баспасөз қызметі.
Таңғы оқыңыз: СҚО-да 90-ға жуық ауылды су басу қауіпі бар
Please follow and like us:
