СҚО әкімі Ғауез Нұрмұхамбетов қар тазалау және құтқару техникасының дайындығын тексерді, деп хабарлайды Qazaqstan Media тілшісі.
Петропавлда қыста қар тазалауға барлығы 300-ге жуық техника жұмылдырылады.
«Қарды шығаруға жауапты мердігерлермен кездестім. Қыста көшелерді тазалау кезінде үйлесімді және жедел жұмыстың маңыздылығын атап өттім. Тұрғындардың қолайлығы мен қауіпсіздігі үшін көшелер мен жаяу жүргіншілер жолына құм-тұз қоспасы және реагенттер себуді әрдайым жүргізіп тұру керек», — деп жазды өңір басшысы әлеуметтік желідегі парақшасында.
