«Қызыл-жар» халықаралық әуежайында жаңа әуе бағыты ашылмақ. Сөйтіп, солтүстікқазақстандықтар Мысыр елінің Шарм-Эль-Шейх курортына Петропавлдан тікелей ұшу мүмкіндігіне ие болады, деп жазады Qazaqstan Media тілшісі.
Айта кетейік, 2019 жылы солтүстікқазақстандықтар Петропавлдан Шарм-Эль-Шейхке тікелей ұшу мүмкіндігіне ие болған. Бірақ аталмыш бағыт бойынша тұрғындар тек жаз айларында ғана қатынады. Енді міне араға бес жыл салып, рейс қайта жанданбақ.
«Аталған бағыт сұранысқа ие. Сондықтан біздер мәселені зерттеп, туроператорлармен сөйлесіп жатырмыз. Олар бір аптада 80-100 адам жинай аламыз деп отыр», — СҚО жолаушылар көлігі және автомобиль жолдары басқармасы басшының міндетін атқарушы Ерден Шортыбаев.
Жалпы, «Қызыл-жар» әуежайының халықаралық мәртебесі болғанымен, ұшақтар әзірге тек Астана, Алматы, Шымкент қалаларына ғана қатынайды.
Тағы оқыңыз: СҚО әкімдігі биыл түлектерге арнап қосымша 58 грант бөлді
Please follow and like us:
