2023 жылдың 31-ші желтоқсанынан 2024 жылдың 2-ші қаңтары аралығында облыстық жедел жәрдем қызметіне 2000-ға жуық шақырту түсті, деп хабарлайды Qazaqstan Media тілшісі.
Жаңа жылдық мереке күндері дәрігерлердің көмегіне жүгінетіндер қатары артады. Себебі көпшілік, ол күндері емханаларда кезекші дәрігерлердің бар екенін білмейді. Сондықтан жедел жәрдем шақырады.
“Жай күндері орташа 400 шақырту түсетін болса, мерекеде 700 шақырту түсті. Сондықтан қосымша бригадаларды шығардық. Көбіне асқазан жұмысының бұзылуы, спирттік ішімдікті көп ішу, жүрек-қан тамырлары ауруларының асқынуы да байқалды”, — дейді медициналық жедел жәрдем орталығының директоры Юрий Белоног.
Биыл пиротехникалық құралдардан зардап шеккендер жоқ.
Тағы оқыңыз: 1-ші қаңтардан бастап «Ұлттық қор – балаларға» жобасы ресми іске қосылды
