М. Жұмабаев ауданының Булаево қаласындағы демалыс саябағында 1 мамыр – Қазақстан халқының бірлігі күніне арналған мерекелік шаралар өтті. Мерекеде бірлік пен достықтың ерекше атмосферасы орнады. Сондай-ақ, тарихи-өлкетану мұражайында аудан әкімі Рахат Смағұлов этномәдени орталықтар мен қоғамдық бірлестіктердің басшыларымен кездесті, деп хабарлайды Qazaqstan Media тілшісі.

Тарихи-өлкетану мұражайында аудан әкімі Рахат Смағұлов этномәдени орталықтар мен қоғамдық бірлестіктердің жетекшілерімен кездесті.

Бұл кездесу Қазақстанда тұратын түрлі этностар арасындағы ынтымақтастық пен өзара іс-қимылды нығайтуға бағытталған маңызды қадам болды.

«М. Жұмабаев ауданында 20-дан астам этнос өкілдері тұрады, 10 этномәдени бірлестік жұмыс істейді. Мұнда қоғамдық келісімді нығайту бағытында белсенді жұмыс жүргізіп жүрген этномәдени орталықтардың жетекшілері жиналды. Биыл біз Қазақстан халқы Ассамблеясының 30 жылдығын атап өтеміз. Бұл ұйым этносаралық төзімділік пен қоғамдық келісімді нығайтуда маңызды рөл атқарды. Ал бұл мереке халқымыздың бірлігі мен ынтымағын, өзара құрмет пен түсіністікті білдіреді», – деді Рахат Смағұлов.

Кездесу барысында Жеңістің 80 жылдығын атап өту жоспары, волонтерлердің жұмысы, сондай-ақ «Таза Қазақстан» бағдарламасын жүзеге асыру мәселелері талқыланды.

«Барлық этномәдени бірлестіктердің мүшелерін «Таза Қазақстан» жалпыұлттық науқанына белсенді қатысуға шақырамын. Бұл өскелең ұрпақты тәрбиелеу мен прогрессивті білім берудің жолы. Әрбір қала, ауыл, көше мен аула тұрғындарын осы маңызды іске тартуымыз қажет. Бұл науқан аясында ауданда сенбіліктер, тазалық және абаттандыру, көгалдандыру акциялары өтуде. Жақында аудан елді мекендерінде ағаш көшеттерін отырғызу бойынша үлкен шаралар өтті, бұл жұмыс жалғасын табады», – деді аудан басшысы.

Мерекелік іс шаралар орталық саябақта  жалғасты

Қазақстан халқының бірлігі күніне арналған мерекелік іс-шаралар Булаево қаласындағы «Достық» саябағында өтті. Мұнда «Достық фестивалі» ұйымдастырылып, этноауыл көркімен саябақ жанданды.

Ауданның этномәдени бірлестіктері ұлттық тұрмыстық заттарын, ұлттық тағамдарын, мәдени мұра байлығын көрсететін өнерлерін ұсынды.

Булаево қаласының және аудан тұрғындарын Қазақстан халқының бірлігі күнімен аудан әкімі Рахат Смағұлов құттықтады. Ол этносаралық төзімділік пен қоғамдық келісімді сақтау – қоғамымыздың негізі екенін атап өтті.

«Қазақстан – барлығымыздың ортақ үйіміз, оның бір бөлшегі – М. Жұмабаев ауданы. Құрметті жерлестер, сіздер де осы елде бейбітшілік пен келісімді нығайтуға өз үлестеріңізді қосып келесіздер. Біз әрқашан есте сақтауымыз керек – бізде ортақ үй, ортақ болашақ бар! Тек бірлесіп, бірлесе жұмыс істегенде ғана адамдарға пайда әкелетін, өмірді жақсартатын, жаңа даму перспективаларын ашатын жобаларды жүзеге асыра аламыз. Мен М. Жұмабаевтың туған  жерінде өмір сүретін әрбір адам оның тағдырына бей-жай қарамайтынына сенемін. Сондықтан біздің бәріміздің ортақ және басты міндетіміз – ауданның барлық саласын дамыту үшін жұмыс істеу», – деді Рахат Смағұлов.

Этносаралық келісімді нығайтуға үлес қосқан аудан тұрғындарына аудан әкімі алғыс хаттар мен құрмет грамоталарын табыс етті.

Сондай-ақ осы күні ауданда қазақша күрестен «Қызылжар барысы» атты қызықты жарыстар өтті. Аудандық мәдениет үйінің әртістері ұйымдастырған мерекелік концерт бұл күннің жарқын қорытындысы болды. Өнерпаздар көрермендерге көтеріңкі көңіл-күй мен ұмытылмас әсер сыйлады.

Айта кетейік, 1 мамыр күні жергілікті этномәдени бірлестіктердің өкілдері Қызылжар ауданындағы су тасқынына қарсы күреске жұмылдырылған волонтерлерге үлкен «сәлемін» тәтті таралғы арқылы жолдады. Бұл – бірліктің, ынтымақтың, көпұлтты қоғамдағы достық пен түсіністіктің символына айналды.

Тағы оқыңыз: Петропавлда «Бірлік жүгірісі» марафоны өтті