Алдағы уақытта Қазақстанда 18 жасқа толмаған балалардың ата-ана рұқсатынсыз әлеуметтік желілерге тіркелуіне тыйым салынбақ. Бұл өзгеріс ұл-қыздар арасындағы суицидтің алдын алу мақсатында жасалынады, деп хабарлайды Qazaqstan Media тілшісі.
2023-2025 жылдарға арналған «Бала қорғау» кешенді жоспарында жас балалардың Instagram, Facebook, WhatsApp пен ВКонтакте сынды желілерге тіркелуіне шектеу қою туралы жазылған. Бұл шараны қолға алу 2025 жылдың 1 тоқсанына қарай жоспарланып отыр. Іске Цифрлық даму, инновациялар және аэроғарыш өнеркәсібі, Оқу-ағарту мен Ақпарат және қоғамдық даму министрліктері жауапты болмақ. Ата-анасының рұқсатынсыз әлеуметтік желіге тіркелуге тыйым салу туралы құжат жобасы Ашық НҚА порталына шығарыллды. Маусымның 6-сына дейін қоғам талқылауында болады.
Тағы оқыңыз: Повозочное ауылын абаттандыру
