Ішкі істер органдары 5,3 млн құқық бұзушыға шамамен 68,4 млрд теңге көлемінде айыппұл салған. Бұл мәліметті Бас прокуратура жариялады, деп хабарлайды Qazaqstan Media тілшісі.
2023 жылдың 8 айында шамамен 6,8 млн әкімшілік құқық бұзушылық тіркелген. 5,5 млн құқық бұзушыға 128,2 млрд теңге көлемінде айыппұл салынып, оның 88,3 млрд теңгесі өндірілді.
Өз кезегінде айыппұлдардың басым бөлігі немесе 4,6 млн айыппұл алғашқы 7 тәулік ішінде 44,1 млрд теңге сомасына 50% жеңілдікпен төленді.
«Ең көп айыппұл салынғандар: Алматыда – 16,8 млрд теңге сомасына 1 млн құқық бұзушылық, 12,7 млрд теңге төленді. Астанада – 12,7 млрд теңге сомасына 800 мың құқық бұзушылық, 8,6 млрд теңге төленді. Ең аз Павлодар облысында 11,8 млрд теңге сомасына 92 мың айыппұл салынған, оның 11,3 млрд теңгесі төленген»- делінген прокуратураның хабарламасында.
Барлық әкімшілік құқықбұзушылықтардың 95%-ын ішкі істер органдары анықтаған.
Айыппұлдардың негізгі бөлігін фото-бейнетіркеу камераларымен тіркелген құқық бұзушылықтар құрады. Олар бойынша 38,1 млрд теңге сомасына 3,4 млн астам ұйғарым шығарылды.
Тағы оқыңыз: Петропавлда еңбек өтілі 650жылды құрайтын ұстаздар әулеті бар
