Мамлют ауданының Бексейіт ауылында жеке тұрғын үйде 27 литрлік газ баллоны жарылды. Нәтижесінде екі адамды күйік шалған, деп хабарлайды Qazaqstan Media тілшісі.
Төтенше жағдай туралы хабарлама 5 қаңтар күні сағат 19.43-те Мамлют ауданының № 15 өрт сөндіру бөліміне келіп түскен. Жеке тұрғын үйде газ баллоны жарылып, 2 шаршы метр алаңды шарпыған. Нәтижесінде термиялық күйікпен 1940 жылы туылған әйел мен 2002 жылғы немересі ауруханаға жеткізілген.
“Қазіргі уақытта зардап шегушілердің жағдайлары жақсы. Тұрғындармен өрт қауіпсіздігі туралы түсіндірме жұмыстары жүргізілді”, — деді ТЖД таратқан хабарда.
Please follow and like us:
