Солтүстік Қазақстан облысының полиция департаменті бастығының жаңа орынбасарлары тағайындалды. Оларды Республика күні СҚО ПД бастығы Айдын Қабдұлдинов жеке құрамға таныстырды, деп хабарлайды Qazaqstan Media.
Облыстқ полиция департаменті бастығының тергеу жұмысы жөніндегі орынбасары болып полиция полковнигі Қайрат Қасымбеков тағайындалды. Ол 1993 жылдан ішкі істер органдарында қызмет етіп келеді. ҚР ІІМ Қарағанды жоғары мектебін бітіргеннен кейін Петропавл қаласы бойынша мемлекеттік тергеу комитетінің басқармасында, содан кейін Петропавл қаласының ІІБ-де тергеуші болып еңбек еткен. 2015 жылдан бастап СҚО ПД тергеу басқармасының бастығы қызметін атқарды.
Ал Әбілғазы Ғабдуллин ПД бастығының тәрбие және кадр жұмысы жөніндегі орынбасары болды. Ол кадрлық жұмыстан басқа, мемлекеттік автоинспекция, көші-қон және әкімшілік полиция желісі бойынша қызмет атқарды, басшылық лауазымдарда да болды. Әбілғазы Ғабдуллин 1995 жылдан бастап құқық қорғау саласында.
Тағы оқыңыз: Уәлихановтықтар жәрмеңкеге әкелген барлық өнімді сатып үлгерді
