Солтүстік Қазақстан облысының әкімі Ғауез Нұрмұхамбетов Қытай ет қауымдастығының делегациясымен кездесті. Бұл кездесу ШЫҰ саммитінде екі мемлекеттің басшыларының арасындағы келісімдерге қол жеткізу аясында Қытай Халық Республикасымен екіжақты ынтымақтастықты дамыту аясында өтті, деп жазады Qazaqstan Media.
Ет импорттаушылар мен экспорттаушылар клубының президенті Ма Гуаншэн бастаған делегация Қазақстан-Қытай іскерлік кеңесінің VII отырысына қатысты.
Кездесуде өзара тиімді ынтымақтастық мәселелері талқыланып, ауыл шаруашылығы өнімдерін қайта өңдеу саласында бірлескен жобаларды жүзеге асыру ұсынылды. Қазірдің өзінде «АЙЦЗЮ» корпорациясының агроөнеркәсіптік кластерін дамыту бойынша «Тайынша-Май» майлы дақылдарды өңдеу зауыты іске қосылды. Сондай-ақ «Мемолюкс» диірмен мен қоспажем зауыты салынуда.
Қытай делегациясы «ЕМС-Агро» ет комбинатында болып, шошқа кешенін 200 мың басқа дейін кеңейту және ет өндіру көлемін 20 мың тоннаға жеткізу жобасымен танысты.
Жалпы, Солтүстік Қазақстан облысы мен Қытай арасындағы ынтымақтастық өз жемісін беріп жатқанын айта кеткен жөн. Небәрі 3 жылдың ішінде сыртқы сауда айналымы 2,2 есе өсіп, 117 миллион АҚШ долларын құрады.
Тағы оқыңыз: Үш бала суға кетіп, бүтін бір отбасы уланды: СҚО халқы үшін маусым айы несімен есте қалды
