Петропавлда еліміздің 4 өңірінен келген қыз-келіншектер бас қосты. Ауыл әйелдерінің форумына жиналған олар кәсіпкерлік пен елді мекендерді дамыту жайын талқылады, деп хабарлайды Qazaqstan Media тілшісі.
Жиынға Солтүстік Қазақстан, Ақмола, Қостанай және Павлодар облыстарының ауыл әйелдері қатысты. Аталған форумды аймақтарда өткізу соңғы 6 жылда дәстүрге айналған.
Жиында әйелдер кәсіпкерлігін дамыту үшін іске асырылып келе жатқан «Coca-Cola белестері» жобасы жайлы да айтылды. Оның арқасында 11 жыл ішінде жүздеген адам өз кәсібін ашқан.
«Халықаралық «Coca-Cola белестері» жобасының аясында әйелдерге 4 мың доллар көлемінде грант беріледі. 11 жылдың ішінде 65 мыңдай ауыл әйелдерін оқытып, үйреттік. Олардың 117-сі қазіргі уақытта грант иегерлері атанып, өз кәсібін өрге домалатып отыр. Биыл тағы 20 ауыл әйеліне грант беріледі», — дейді Қазақстан ауыл әйелдері форумын ұйымдастыру комитетінің төрағасы Майра Айсина.
Тағы оқыңыз: Петропавлда шығарылған 50 вагон «Жолаушылар тасымалы» АҚ берілді
