Бүгін СҚО әкімі Ғауез Нұрмұхамбетов Уәлиханов көшесіндегі су тасқынынан зардап шеккендер уақытша тұратын жаңа жатақханаға барып, тұрғындармен тілдесті, деп хабарлайды Qazaqstan Media тілшісі.
Зардап шеккендер Жұмабаев көшесіндегі жаңа жатақханаға да көшті. Екі жатақханада барлығы 440 адам тұрады. Мұнда тұрғындарға барлық жағдай жасалған. Олар баспана мәселесі толық шешілгенше дейін осы жерді паналайтын болады.
Бүгіннің өзінде Ойқаладағы Павлов, Смирнов, Тухачевский, Перминов және Колхозный Косогор көшелерінің бойында мүлікті бағалау және техникалық тексеру жұмыстары басталды. Су тартылған сайын бұл процедураларды шұғыл жасап, бір мезгілде механикалық бригадалар жөндеу-қалпына келтіру жұмыстарын бастамақ.
Тағы оқыңыз:Ескендір Елеусізов: Елдің бірлігі – басты құндылық
