Солтүстік Қазақстан облысының прокурорлары экологиялық қорытындыны ала алмай жүрген инвесторға көмектесті, деп хабарлайды Qazaqstan Media тілшісі.
Инвестициялық жобаларды қолдау аясында өңір прокурорлары бірталай кәсіпкерлердің проблемасын шешуге көмектескен. Солардың бірі — «TFA GROUP» ЖШС. Кәсіпкер 9,2 млрд теңге инвестиция құйып, Петропавлда керамикалық кірпіш зауытын салмақшы болған.
«Экология департаменті инвесторға зауыт құрылысын «Севказэнерго» АҚ-мен келісу туралы ұсыныспен алдын ала қорытынды ғана берген. Өз кезегінде монополист компания ресми негіздер бойынша құрылыс тәртібін бекітуден бас тартқан. Алайда бұл мақұлдау міндетті емес еді», — деді облыстық прокуратура өкілдері.
Осылайша, іске прокурорлар араласқан соң ғана «TFA GROUP» ЖШС оң экологиялық қорытынды алған.
Тағы оқыңыз: СҚО-да үздік жеті құтқарушының еңбегі еленді
