Солтүстік Қазақстанда төрт бірдей мектеп 1-ші қыркүйек күні балаларды қабылдай алмайды. Білім ордаларында жөндеу жұмыстары тым ұзаққа созылып кеткен. Оны мектептердің жаңа оқу жылына дайындығын тексерген Қазақстанның оқу-ағарту министрлігі анықтады, деп хабарлайды Qazaqstan Media тілшісі.
Қазақстанның оқу-ағарту министрлігі мектептердің жаңа оқу жылына дайындығына мониторинг жүргізді. Тексеріс барысында 68 білім ордасының дайын емес екендігі анықталды. Оқу орындарындағы жөндеу жұмыстары тым ұзаққа созылып кеткен. Шаруа 1-ші қыркүйекке дейін аяқталмайды.
«Егер мердігер компаниялар басталған жұмысты мерзімінде аяқтамаса, білім басқармалары оқу-тәрбиелеу процесін ұйымдастыру және оқушыларды білім беру мекемесіне және үйіне тасымалдауды ұйымдастыру үшін оқушыларға басқа білім беру орындарын уақытша белгілейді», — деді оқу-ағарту министрлігіндегілер.
Жаңа оқу жылына:
Ақтөбе облысында – 12,
Алматы облысында – 10,
Атырау облысында – 10,
Ақмола облысында – 7,
Түркістан облысында – 5,
Жамбыл облысында – 5,
Қостанай облысында – 3,
Батыс Қазақстан облысында – 2,
Солтүстік Қазақстан облысында – 4,
Шығыс Қазақстан облысында – 2,
Қарағанды облысында – 1,
Абай облысында – 1,
Ұлытау облысында – 1,
Алматы қаласында – 5 мектеп дайын емес.
Тағы оқыңыз: Қыз алып қашқандарға тағайындалатын жаза күшейтілмек
