Солтүстікқазақстандық Sensitive би ансамблі халықаралық байқауда жеңіске жетті. Олар Мәскеуде өткен Inclusive Dance халықаралық байқау-фестивалін бағындырды, деп жазады Qazaqstan Media.
Жерлес бишілер Ресейдің Мәскеу қаласында өткен байқауда жеңіске жетті. Олар 700-ден астам қатысушы қатысқан конкурста үздік атанды. Sensitive би ансамбілінің бишілері гран-при мен төрт бірінші орынды жеңіп алды. Жерлестерімізді жеңісімен облыс әкімі Ғауез Нұрмұхамбетов әлеуметтік желі арқылы құттықтады.
«Ансамбльдің жетекшісі Ольга Ростовщикова мен ұжымды лайықты жеңісімен шын жүректен құттықтаймын. Ансамбль мүшелері сахнада жарқырауға әркімнің де қабілеті бар екенін тағы бір дәлелдеді. Сіздердің жұмыстарыңыз, табандылық пен шынайылықтарыңыз бәрімізді шабыттандырады. Жарайсыңдар, біз әрқайсыңызбен мақтанамыз! Алда тек жаңа биіктер, бұдан да көп жетістіктер болсын!», — деп жазды өңір басшысы Ғауез Нұрмұхамбетов әлеуметтік желіде.
Тағы оқыңыз: СҚО-да 47 мың ауыл азаматы МӘМС жүйесінде сақтандырылмаған
