Өңірде жұмысшыларына уақытылы еңбекақы төлемеген кәсіпорындар бар. Жыл басынан бері 251 адам жалпы сомасы 63 млн теңгеден астам жалақыларын ала алмай жүр. Мұндай кәсіпорындарға 2 мың АЕК көлемінде айыппұл салынды, деп жазады Qazaqstan Media тілшісі Qyzyljar телеарнасына сілтеме жасап.
Биыл жыл басынан бері мемлекеттік еңбек инспекторлары облыстағы кәсіпорындар мен ұйымдарда 176 тексеру жүргізген. Нәтижесінде еңбек заңнамасын бұзудың 121 фактісі анықталды. Жұмыс берушілерге олқылықтарды жоюға 67 ұйғарым шығарылды. Айыппұл салу түріндегі әкімшілік жауапкершілікке жалпы сомасы 11,2 млн теңгеге 63 заңды тұлға тартылды. Сондай-ақ, биыл өндірісте 14 оқыс оқиға орын алып, 17 адам зардап шеккен. 2 адам мерт болған.
«Мысалы, ағымдағы жылдың сәуір айында «Чистотел» ЖШС-де өліммен аяқталған жазатайым оқиға болды. Құрылған комиссия жазатайым оқиғаның мән-жайы анықтады. Себептері: жұмыс өндірісін қанағаттанарлықсыз ұйымдастыру және қауіпсіз еңбек техникасы блйынша оқытудағы кемшіліктер. Тергеу қорытындасы бойынша жұмыс берушінің кәнісінің дәрежесі 100 пайыз анықталды»,- СҚО мемлекеттік еңбек инспекциясы басқармасы басшысының орынбасары Азат Көшербаев.
Тағы оқыңыз: Петропавлда жер үйде өрт шығып, үй иесі көз жұмды
