Жаңа жыл қарсаңында өңірде бірнеше күн бойы қар жауып, бұрқасын болады. Ал 31-ші желтоқсанда ауа райы жауын-шашынсыз болады деген болжам бар, деп жазады Qazaqstan Media тілшісі.
Солтүстік Қазақстан облысында Жаңа жыл мерекесі қарсаңында бірнеше күн қатарынан қар жауып, бұрқасын болады. Мұндай болжамды синоптик мамандар жасап отыр. Өңірде 31-ші желтоқсанға дейін күнде қар жауып, бұрқасын болады. Тек Жаңа жыл күні ғана күн ашық болмақ.
Сонымен мереке қарсаңындағы ауа райы мынандай:
29-шы желтоқсанда қар жауып, боран тұрады. Оңтүстік-батыстан жел соғады, оның екпіні 15-20 м/с құрайды. Ауа температурасы түнде 15-20 градус аяз болады. Ал күндіз -12 градусты көрсетеді.
«30-шы желтоқсан күні облыстың солтүстігінде, шығысында қар, бұрқасын жүреді. Оңтүстік-батыстан жел соғады. Ауа температурасы түнде 15-20, ал күндіз 5-10 градус аяз болады», — деп хабарлады «Қазгидромет» АҚ СҚОФ мамандары.
Ал дәл мерекеде күн ашық болады. Түнде -20 градус, күндіз -10 градус аяз болады деп болжанып отыр.
Тағы оқыңыз: Петропавлдық Бірлік ауданынан берілген үйден бас тартып отыр
