СҚО әкімі Ғауез Нұрмұхамбетов Петропавл мен Қызылжар ауданындағы қорғаныс бөгеттерін нығайту және кеңейту жұмыстарын тексерді. Барлығы 8 бөгет қамтылды, деп жазады Qazaqstan Media.
Бөгеттерді көтеру үшін 158 техника қолданылып, 1,5 миллион тонна инертті материалдар жеткізілді. Олардың биіктігі айтарлықтай ұлғайтылды. Бүгінде Прибрежное мен Тепличное ауылдарында бөгеттер дайын. Облыс орталығындағы жұмыстар аяқталуға жақын.
Бұл жұмыс мамандардың қатысуымен ғылыми негізде жүргізілді. Ғалымдардың айтуынша, биылғы тасқын кезіндегі судың максималды деңгейі Балтық биіктік жүйесі бойынша 98,58 метрді құрады. Жаңа бөгеттердің биіктігі артығымен жобаланып, 101,2 метрді құрады. Бұл болашақта елді мекендерді су тасқынынан сенімді қорғауға кепілдік береді.
Тағы оқыңыз: Жаңа жыл қарсаңында қылқан жапырақты ағаштарды қорғау күшейтіледі
