СҚО-да Конституция күні кең көлемде аталып өтті. Салтанатты шарада үш түлек облыс әкімінің грантына ие болды, деп хабарлайды Qazaqstan Media.
Еліміздің болашағы — жастардың қолында. Облысымыз өскелең ұрпаққа үміт артады, зор қолдау білдіреді. Конституция күні қарсаныңда үш түлек облыс әкімінің грантына ие болды.
Грантқа ие болып, төбесі көкке бір елі жетпей жүрген жастың бірі — Арман Имаков. Ол жалпы конкурс бойынша қалаған жоғары оқу орнына грантқа түсе алмаған. Азамат бірден жергілікті әкімдікке барып, өтінім тастапты.
Бүгін оның арманы орындалды. Енді ол еліміздегі ең іргелі шығармашылық ордалардың бірі «Күләш Байсейітов атындағы Қазақ ұлттық өнер университетінде» білім алатын болады.
«Тоғыз жасымнан бері гитара тартамын. Өмірімді өнерге арнағым келеді. Облыс әкіміне алғысым шексіз. Маған артылған үмітті ақтаймын. Елдің дамуына үлес қосамын. Оқуды аяқтағаннан кейін облысқа келіп, дамуына үлес қосамын»,- деді грант иегері Арман Имаков.
Тағы оқыңыз: СҚО-да тоғыз мың гектардан астам орман алқабы есепке алынбаған
